|
Shkruar nga Avni Tafili
|
|
e hėnė. 24 tetor 2011 |
S’je gati, edhe nëse je gatuar
Ke nevojë edhe për pak ujë,
Le të piqet avash-avash pastaj.
Mos nxito!
Lulet nuk çelin vetëm në pranverë,
Kur zemrat janë ujitur e ndriçuar,
Edhe vjeshta është pranverë,
Kur prej kraharorëve tanë,
Lulet e shpresës së sigurt gufojnë,
Për ngadhënjimin tonë!
Fitoren tonë të gjithë e gëzojnë,
Edhe ata që kundër nesh luftojnë,
Sepse ne mendojmë dhe besojmë,
Për të ndërtuar, jo rrënuar,
Për të ndriçuar, jo errësuar,
Për të përhapë paqe e dashuri,
Jo dhunë e urrejtje!
Nëse dëshminë tonë s’e pranojnë,
Atëherë ata vetë do ta dëshmojnë! |
