Kur’an:
“Po ata a presin tjetër, pos kijametit, i cili do t’u vijë befas, e parashenjat e tij tashmë kanë ardhur…” (Muhammed: 18)
 “Por, njeriu dëshiron të vazhdojë edhe mëtej në mëkate.”
 “Andaj edhe pyet: “Kur është dita e kijametit?”
 “E, kur të merren sytë (të parët)?”
 “E të zbehet hëna (errësohet)”
 “Dhe të bashkohet dielli e hëna.”
 “Atë ditë njeriu do të thotë: “Nga të iket!”
 “ Jo, nuk ka strehim!”
 “Atë ditë vetëm te Zoti yt është caku!” (El Kijame: 1, 5, 6, 7, 8, 9, 10, 11, 12)

 “Ditën kur duke u ngutur dalin prej varreve…”
 “Me shikimet e tyre të përulura i ka kapluar poshtërimi. Ajo është dita që   ka qenë premtuar.”
 “Atyre u duket ai larg”
 “Kurse Neve ai na duket afër.”
 “Dita kur qielli të bëhet si kallaji i shkrirë.”
 “ Kodrat të bëhen si leshi i lënuar.”
 “Dhe asnjë mik nuk pyet për mikun.” (El Mearixh: 43, 44, 6, 7, 8, 9 10)


 “Në atë kohë ndodh e vërteta (kijameti)”
 “E qielli çahet, pse ai atë ditë është i raskapitur.”
 “Dhe engjëjt qëndrojnë në skajet (anët) e tij, e atë ditë, tetë (engjëj) e     bartin mbi vete Arshin e Zotit tënd.”
 “Atë ditë ju do të ekspozoheni (para Zotit), duke mos mbetur fshehtë asnjë sekret juaji.” (El Hakka: 15, 16 17, 18)