MЁNYRA E ABDESIT |
|
|
|
Hafsa, ruajtėsja e Kuranit |
|
|
|
Shkruar nga --
|
e premte. 08 qershor 2007 |
Ejani të kujtojmë fuqinë dhe trimërinë e muslimanëve që garonin për në kopshtin e vdekjes (për të rënë dëshmorë në rrugë të Allahut) duke luftuar kundër Musejletu El Kedh-dhabit dhe pasuesve të tij. Muslimanët garonin për të fituar xhenetin. Në këtë betejë të parët ishin hafizët e librit të Allahut, me zemra të mbushura plot mallëngjim për të takuar Allahun dhe të Dërguarin e Tij. Zemrat e tyre nuk i frikësonte lufta. Ata ëndërronin të zhduknin gjembat e idhujtarisë, të cilët u shfaqën në popull pas vdekjes së të Dërguarit, por ky mision do të merrte shumë jetë. Pas kësaj, në të gjitha anët e Gadishullit Arabik u përhap drita e Islamit, e cila ndriçoi me nurin e së vërtetës zemrat e atyre që i kishte kapluar idhujtaria për një periudhë kohore. Edhe kur u largua mjegulla dhe u qetësua ritmi i luftës, zemrat e besimtarëve, shokëve të Muhamedit, paqja dhe shpëtimi i Allahut qofshin mbi të, i kaploi frika. I pari prej tyre ishte Omer El-Faruku, i cili shikoi rënien dëshmorë të hafizëve të Kuranit dhe tha me vete: “Po vdesin hafizat, ndërkohë që pjesa më e madhe e Kuranit është e ruajtur në zemrat e tyre!”Atë e mundonte kjo pyetje sepse ai ishte i kujdesshëm për fatin e fesë dhe të Kuranit.
Me atë frikë për fenë e Allahut në gjoksin e tij, këmbët e drejtuan për tek Ebu Bekri, kalifi i të Dërguarit të Allahut, për ta nxitur që ta mblidhte Kuranin Fisnik në mus’haf. Kalifit të muslimanëve nuk iu rehatua zemra derisa për këtë çështje të rëndësishme u caktua Zejd bin Thabiti.
Kjo punë madhështore u përfundua dhe Kurani u tubua në një libër. Es-Sidiku, shoku i të Dërguarit të Allahut dhe kalif pas tij, e pa të arsyeshme që mus’hafin ta vendosnin te një zonjë prej zonjave të dynjasë dhe të ahiretit.
Kush është kjo zonjë?
Kjo është Hafsa, e bija e Omer ibnul Hatabit, Allahu qoftë i kënaqur me të, nga fisi Adevij, kurejshe. Hafsa ka lindur pesë vjet para se t’i zbriste shpallja të Dërguarit të Allahut, paqja dhe shpëtimi i Allahut qofshin mbi të. Ajo ka qenë bashkëshortja e Hunejs bin Hudhafe Es-Sehmit. Hafsa ka bërë hixhret bashkë me të për në Medinë. Burri i saj ka marrë pjesë në luftën e Bedrit, ku ka rënë dëshmor, kur Hafsa nuk i kishte kaluar tetëmbëdhjetë pranverat. U mërzit Omer ibnul Hatabi për atë që i ndodhi asaj dhe dëshironte që ta martonte me një njeri tjetër, me të cilin ishte i kënaqur Allahu dhe i Dërguari i Tij. Omer ibnul Hatabi thotë: “Ia paraqita këtë gjë Uthmanit, kur gruaja e tij, Rukija, vajza e të Dërguarit të Allahut, kishte vdekur. Ai heshti dhe nuk më ktheu përgjigje. Më vonë ia paraqita këtë çështje Ebu Bekër Es-Sidikut, por edhe Ebu Bekri heshti siç heshti Uthmani para tij. Kjo çështje më shqetësoi, prandaj shkova tek i Dërguari i Allahut për t’u ankuar për atë që më ndodhi.”Omeri nuk e dinte se Allahu i Lartësuar kishte zgjedhur për Hafsën dikë më të mirë se Uthmani dhe Ebu Bekri: Ajo do të bëhej bashkëshorte e të Dërguarit të Allahut dhe nënë e besimtarëve.
Hafsa, e bija e Omerit, ka jetuar me të Dërguarin e Allahut një jetë normale. Nga nënat e besimtarëve ajo ka zgjedhur Aishen, vajzën e Ebu Bekër Es-Sidikut, si shoqe dhe fole të sekreteve të veta. Aishja, Allahu qoftë i kënaqur me të, e ka përshkruar Hafsën si “vajza e babait të saj” për shkak të vlerës së saj. Hafsa ka lënë pas vetes shumë libra që tregojnë për jetën dhe ngjarjet e saj me bashkëshortet e të Dërguarit të Allahut, paqja dhe shpëtimi i Allahut qofshin mbi të. Hafsa e përmbante veten nga epshi. Ndoshta edhe gabonte në ndonjë çështje të sajën, por pendohej shumë te Zoti i saj. Hasa mundohej në çdo çast që mos ta kaplonte hidhërimi i Allahut. Ajo ka qenë ashtu siç i ka thënë Xhibrili, paqja qoftë mbi të, të Dërguarit të Allahut: “Ajo është agjëruese (që agjëron shumë) dhe namazlie (që falet shumë natën) si dhe bashkëshortja jote në xhenet.”
Hafsa ka transmetuar shumë hadithe nga i Dërguari i Allahut, paqja dhe shpëtimi i Allahut qofshin mbi të. Thuhet se numri i haditheve të transmetuar prej saj arrin në gjashtëdhjetë.
Kjo agjëruese dhe namazlie është Hafsa, vajza e Omerit, nënë e besimtarëve, e cila ka jetuar me të Dërguarin e Allahut përafërsisht shtatë vjet. Nderi dhe pozita e saj u rrit edhe më shumë më vonë, kur u zgjodh në mesin e sahabëve që të jetë ruajtësja e Kuranit Fisnik.
Sa nderim i bën Islami femrës muslimane duke e bërë ruajtëse të Kuranit Fisnik, në kohën kur në qiellin e umetit islam janë shumuar yjet fisnikë!Ky është Islami ynë, fe madhështore, fe e drejtësisë, feja që i ka dhënë femrës pozitën e saj të merituar. Kujdestarja e parë e Islamit është Hatixhe bint Huvejlidi, Allahu qoftë i kënaqur me të, ndërsa ruajtësja e parë e Kuranit është Hafsa, vajza e Omerit, Allahu e shpërbleftë me të gjitha të mirat!
Perktheu: Merita Rexha |
|
|
|
|