|
Shkruar nga ....
|
|
e hėnė. 07 gusht 2006 |
Kur’an
“O besimtarë, kini durim dhe jini të qëndrueshëm...” (Ali Imran, 200)
“Ne gjithsesi do t’ju sprovojmë me diçka nga frika dhe uria, edhe me humbje të pasurisë dhe jetës e të fryteve. Dhe ti (Muhammed) përgëzoji durimtarët.” (el-Bekare, 155)
“...Vetem ata që janë të durueshëm realizojnë shpërblim të pakufizuar.” (ez-Zumer, 10)
Hadith
Nga Ebu Jahja Suhejb ibn Sinani r.a. përcillet se i Dërguari i Allahut, sal-lall-llahu alejhi ve sel-lem, ka thënë: “E çuditshme është çështja e besimtarit. Çështja e tij është krejt mirë për të dhe nuk është e tillë për askë tjetër. Nëse besimtarin e godet gëzimi, ai falënderon (Allahun), e kjo i sjell dobi, kurse nëse e godet e keqja, ai bën durim (sabër), andaj edhe kjo i sjell dobi.” (Transmeton Muslimi)
Transmetohet nga Enesi r.a.: “Pejgamberi sal-lall-llahu alejhi ve sel-lem, kaloi pranë një gruaje e cila qante mbi një varr dhe i tha: “Frikësoju Allahut dhe bë durim.” Gruaja i tha: “Largohu prej meje, sepse ty nuk të ka goditur fatkeqësia ime!” Ajo nuk e njihte të Dërguarin. Kur i treguan se ai ishte Pejgamberi sal-all-llahu alejhi ve sel-lem, ajo shpejtoi deri te dera e shtëpisë së Pejgamberit dhe, pasi nuk gjeti roje te dera, e hapi derën dhe tha: (O i Dërguar i Allahut) “Unë ty nuk të kam njohur.” (Pejgamberi) Tha: “Durimi është në goditjen e parë (sepse atëherë është më së vështiri).” (Muttefekun alejhi)
Nga Ebu Hurejra r.a. përcillet se i Dërguari i Allahut, sal-lall-llahu alejhi ve sel-lem, ka thënë: “Allahu i Madhërishëm thotë: “Shpërblimi i robit Tim besimtar, kur t’ia marr të dashurin e tij nga banorët e kësaj bote, e ai bën durim për të duke llogaritur shpërblim, është me Xhennet.” (Transmeton Buhariu)
Nga Ebu Hurejra r.a. përcillet se i Dërguari i Allahut, sal-lall-llahu alejhi ve sel-lem, ka thënë: “Besimtarit dhe besimtares nuk i pushojnë së godituri fatkeqësitë në vete, në fëmijët dhe në pasurinë e tyre derisa të takohet me Allahun e Madhërishëm kur në të nuk do të mbetet asnjë mëkat.” (Transmeton Tirmidhiu dhe thotë hadith hasen sahih)
Përmbledhja e Imam Neveviut, nr. 28, 32, 33, 50, versioni shqip
|
