Vendos para vetes një copë letër, dhe asnjëherë mos e neglizho pavarësisht si rrjedhin gjërat, ajo është portë e qetësisë, rehatisë dhe lumturisë… Namazi.
Vendos para vetes një copë letër, dhe asnjëherë mos e neglizho pavarësisht si rrjedhin gjërat, ajo është portë e qetësisë, rehatisë dhe lumturisë… Namazi. Fjalë e bukur dhe gjurmë të bekuara për atë që kujdeset për namazin. Namazi është qetësi nga brengat, pikëllimet, lodhjet dhe peripetitë. Namazi është shpresa dhe qiriu ndriçues në zemrat e besimtarëve, ndryshe llogaritet edhe uji që shuan etjen e të eturave… Namazi! Muhammedi, alejhi selam, ka thënë: “Mes nesh dhe atyre (jobesimtarëve) është namazi, andaj kush e len (nuk falet), nuk ka besuar”. Muhammedi, alejhi selam, ka thënë: “Ajo që e dallon robin nga shirku dhe kufri është namazi.” Falesh nganjëherë, ndërsa obligim është të falesh çdo herë dhe atë në kohën e tij. Allahu ka thënë: “Namazi është detyrim për besimtarët në kohë të caktuar.” (Nisa, 103) E vonon atë nga koha e tij për shkak të gjumit, pakujdesisë e përtacisë, dhe kjo është e ndaluar. Kur do të pyeten banorët e xhehenemit, se: “Për çfarë arsye jeni hudhur në zjarr? Do të thonë: Nuk ishim prej atyrë që faleshin…”. Ibën Mes’udi ka thënë: “Nuk e kanë braktisur në përgjithësi, porse e kanë vonuar nga koha e tij. Bashkon namazet pa arsye të justifikueshme, ndërsa kush falet në kohë, ajo është vërtet e kapur për fenë e Allahut. Motrës i rrah zemra me namaz, dhe gjuha nuk i pushon nga të përmendurit e Allahut në çdo kohë dhe vend, përveç në disa raste, kur i është e ndaluar përmendja e Allahut fetarisht. Dashuria për namazin qarkullon në gjakun e saj dhe kur dëgjon ezanin përmallohet për atë. Dhe kur e vonon namazin për një çast, lotët i rrjedhin nga syt për shkak të dënimit të vonimit. Namazi është ndriçim për zemrën, zbardhje për fytyrën, energji për gjymtyrët, sjellje e rrizkut, ngritje e padrejtësive, largim i epsheve, ruajtje e dhuntive, zbritje e rahmetit, largim i dënimeve, falje e mëkateve, shtim i sevapeve, ngritje e shkallëve, largim i sprovave, ndihmues në të mirë, shërim për nefsin dhe zilinë, ndërsa më madhështorja prej gjithë këtyre është përgjigjja ndaj porosisë së Muhamedit, alejhi selam, para vdekjes së tij, i cili ka thënë: ”Namazi… namazi…”.
Përshtati: Valdet Kamberi |