Shkruar nga Sabri Vilanci
|
e premte. 18 maj 2012 |
(Vëllait Qenan Vilanci)
Na shkove pa fjalë pa asnjë amanet... së paku një fjalë goje ta kisha kujtim për jetë.
U largove krejt papritur… as në ëndërr s’po të shoh... nga brenga për ty, vëllai im as veten s’po e njoh më...
E kujtoj veç mëngjesin... që ishim bashkë ne dy... dhe lajmin se nga jeta, je ndarë ti, o vëllai im...
M’u duk se m’u përmbys toka dhe m’u përmbys dheu nën këmbë... vetëm lotët dhe pikëllimi i thellë... në zemrën time zunë vend, vëlla Qenan...
Vetëm një vjeç ishe ti kur babai ynë ndërroi jetë... më ke respektuar si prind e vëlla... por kurrë s’e kam besuar se do të vish mysafir, e këtu edhe do të vdesësh... |