Shkruar nga Sabri Vilanci
|
e enjte. 26 prill 2012 |
Tek ecim rrugës me plakën time i heshtur e i vetmuar, sytë e zverdhur Mos po dëgjoj ndonjë zë të njohur Ose shoh ndonjë fytyrë të njohur.
Ulem në karrige, vetmia na bën shoqëri Mbylla sytë, dhe sa lot malli më shkuan në breg të syve të lodhur, që të trembim atë të pamëshirshmen vetmi të kurbetit të zi.
Vetmia në pleqëri, këtu në të largëtën Suedi Duart që më dridhen, u mundova t’i ndaloj Ah, ky kurbet i shkretë, nuk ke me kë as mallin ta qash, se ditët e kurbetit janë si helm.
I rritur në një qytet, në të quajturën Vushtrri Në një familje, shumë i ri, pa babë e jetim Më kujtohet shtëpia rrugës tatëpjetë Nënën time që vet ishte burrë e vet grua.
Më kujtohet nëna ime, që na rriti gjashtë jetima, por pa dëshirën time m’u desh të iki në kurbetin e zi dhe të vij këtu në Suedinë e largët Ku edhe lulet e pranverës nuk kanë aromën e vet.
Jeta të vë para shumë sfidave kur je i ri Nuk të bie në mend se do plakesh një ditë Ah, ky kurbet, o vëllezër, qenka shumë i vështirë, na ndau nga prindërit dhe nga atdheu – Dardani. |