Shkruar nga ...
|
e enjte. 12 prill 2012 |
Bota është sikurse gjarpri që të pëlqen se është i lëmuar dhe të mbyt me helmin e tij, njerëzit zbaviten duke e lëmuar dhe nuk shikojnë në helmin e tij vrasës.
Kam qajtur një ditë nga mëkatet e shumta dhe punët e mira të pakta, kështu që rrëshqiti loti nga syri im. Më tha loti: Çka ke o rob i Allahut? Ia ktheva: Po kush je ti? Tha: Unë jam loti yt. I thashë: Çka të nxori ty? Tha: Nxehtësia e zemrës tënde. Çuditshëm i thashë: Nxehtësia e zemrës sime?! Kush e ka ndezur zemrën time me zjarr? Tha: Mëkatet e tua! I thashë: A ndikon mëkati në nxehtësinë e zemrës? Tha: Po. A nuk e ke lexuar lutjen e Muhamedit, alejhi selam: “O Allah, më pastro nga mëkatet me ujë, borë dhe akull”?! Mëkatet e robit e ndezin zemrën zjarr, dhe nuk e shuan zjarrin përveçse ujit të ftohtë dhe borës. I thashë: Unë po ndihem i shqetësuar dhe në ankth. Tha: Prej mëkateve ka që janë mjerim për vepruesin e saj, pendohu tek Allahu i Lartëmadhëruar, o rob i Allahut! I thashë: Unë po gjej ngurtësi në zemrën time, ti si dole nga syri im? Tha: Vërtet, ai është nevoja e natyrshmërisë, o rob i Allahut. I thashë: Cili është shkaku i ngurtësisë së zemrës sime? Tha: Dashuria për këtë botë dhe dhënia pas saj. Bota është sikurse gjarpri që të pëlqen se është i lëmuar dhe të mbyt me helmin e tij, njerëzit zbaviten duke e lëmuar dhe nuk shikojnë në helmin e tij vrasës. I thashë: Çka ke për qëllim me helmin e kësaj bote, o loti im? Tha: Epshet e ndaluara, mëkatet dhe pasimin e shejtanit! E kush e shijon helmin e saj, i vdes zemra. I thashë: Si t’i pastrojmë zemrat tona nga helmi? Tha: Me vazhdueshmëri të pendimit drejt Allahut, me udhëtim drejt vendbanimit të pendimit dhe të penduarve me trenin e të penduarve. O Allah, na bëj prej të penduarve dhe atyre që të frikohen! Amin! Përktheu: Valdet Kamberi |