|
Shkruar nga Sabri Vilanci
|
|
e shtunė. 07 prill 2012 |
Ditët e kësaj dynjaje shumë shpejt po na kalojnë,
po ne për Allahun xh.sh.,
a thua vëllezër e motra, çka jemi duke bërë?
a po e kryejmë obligimin tonë?
Të gjithë jemi duke menduar për lekë,
Se cili të kemi shtëpi më të mirë,
po ashtu edhe vetura luksoze,
si dhe në pushime ku të shkojmë,
ndërsa për namaz nuk mendojmë!
Shumë në këtë dynja ne po kemi lakmi dhe simpati,
por po harrojmë se të gjitha gjërat
siç na i ka dhuruar i Madhi Allah xh.sh.,
ashtu në këtë dynja edhe kemi me i lënë.
E me vete vetëm një qefin dy metra kemi me marrë.
Pra, mos t’i harrojmë ne pesë kohët e namazit
Se këtë e kemi shtyllën e dytë të besimit islam.
Por mos të harrojmë edhe zekatin
po ashtu, sipas mundësive kush i ka, edhe haxhin...
|
