|
Err-rreukjetu vet-tamaim fryerja (shėrimi) |
|
|
|
|
Shkruar nga Salih el Feuzan
|
|
e premte. 28 korrik 2006 |
Fryerja ndahet në dy lloje:
a) Lloji i parë:
Lloji i parë është fryerja (shërimi) që është i pastër nga shirku, si p.sh. t’i lexohet të sëmuarit Kur’an ose të kërkohet mbrojtja me emrat dhe sifatet (cilësitë) e All-llahut. Kjo mënyrë është e lejuar, sepse Muhamedi, salahhahu alejhi ve selem, ka fryerë dhe lejoi atë.
Dijetarët u pajtun në lejimin e fryerjes me tri kushte:
1. Që ajo të bëhet me Fjalë të All-llahut, me emrat dhe sifatet e Tij.
2. Të bëhet në gjuhën arabe dhe me ato fjalë që u dihet kuptimi.
3. Të besohet se fryerja nuk ndikon vetvetiu por me caktimin e All-llahut.
Metoda:
T’i lexohet apo t’i fryhet të sëmuarit, ose i lexohet ujit të cilin e pin i sëmuari, sikurse përmendet në hadithin e Thabit Ibnul-kajsit, radijahhahu anhu: ”Se Muhammedi, salahhahu alejhi ve selem, mori dhe nga Bat’hani(vend i posaçëm) të cilin e vuri në një gotë, pastaj i fryu atij me ujë dhe ia hodhi atij”.
b)Lloji i dytë:
Lloji i dytë janë që në vete kanë shirk. Ato janë fryerjet me anë të të cilave kërkohet ndihmë nga dikush tjetër përveç All-llahut, subhanehu ve teala, u bëhet lutje atyre dhe kërkohet ndihmë nga ata, sikurse janë fryerjet me emrat e exhinëve, melaqeve. Profetëve dhe njerëzve të mirë. Kjo është lutje ndaj dikujt tjetër përveç All-llahut, subhanehu ve teala dhe është shirk i madh. Ky lloj i fryerjes është i ndaluar (haram)
Marrë nga libri: "Njëshmëria e Allahut (subhanehu ve teala)" Salih el Feuzan |
