|
Shkruar nga Avni Tafili
|
|
e shtunė. 17 shtator 2011 |
Aty ku bashkohemi,
të mos ndahemi.
Aty ku ndahemi,
të mos përçahemi.
Aty ku duhemi,
të mos urrehemi.
Atë që duam,
ta ruajmë.
Atë që urrejmë,
ta durojmë.
Atë që gabon,
ta falim.
Atë që e tepron,
ta këshillojmë.
Atë që qorton,
ta mësojmë.
Atë që flet,
ta dëgjojmë.
Atë që fal,
ta përkrahim.
Atë që urren,
ta afrojmë.
Jemi njerëz,
jemi nevojtarë,
të ndihmojmë,
jemi të ndihmuar,
për të ardhmen e ndriçuar. |
