|
A prishet agjėrimi nėse njeriu vjell gjysmė ore para iftarit? |
|
|
|
|
Shkruar nga ...
|
|
e diel. 14 gusht 2011 |
|
Pyetje:
Selam alejkum!
Kam një pyetje:
Pyetja është: a prishet agjërimi nëse njeriu vjell gjysmë ore para iftarit?
Përgjigje:
Alejkum selam ve Rahmetullah!
Nëse agjëruesi vjell me qëllim duke e ngacmuar veten me gisht, duke shikuar ndonjë ndyrësirë që të bën të vjellësh, duke nuhatur ndonjë erë të keqe etj., të gjitha këto me qëllim, e prish agjërimin qoftë edhe vetëm 10 minuta para iftarit. Ndërkaq nëse i ndodh agjëruesit të vjell pa dëshirën e tij (duke mos e ngacmuar vjelljen vet), atëherë nuk e prish agjërimin qoftë kjo edhe fill pas agimit të mëngjesit. I Dërguari, lavdërimi dhe paqja e Allahut qofshin mbi të, ka thënë: “Atë që e përshkon vjellja, nuk obligohet ta kompensojë agjërimin, e kush vjell qëllimisht, le ta kompensojë!” (Transmeton Ebu Davudi, Tirmidhiu etj. Hadithi është sahih)
Vërejtje: Lidhur me këtë çështje duhet theksuar dy gjëra.
E para: Ka raste kur njeriu mund të lirohet nga ndonjë sëmundje si dhimbje barku etj. me vjellje. Atij në atë rast i lejohet ta bëjë këtë, por obligohet po ashtu ta kompensojë atë ditë. Ndërkaq nëse e bën vjelljen me qëllim, pa arsye të justifikueshme, atëherë përveç që obligohet ta kompensojë atë ditë të agjërimit, ai edhe mëkaton.
E dyta: ka dijetarë që për vjelljen e paqëllimshme bëjnë dallim nëse ajo bëhet me plot gojën apo pak dhe thonë se vjellja me plot gojën megjithatë e prish agjërimin edhe atëherë kur bëhet pa vet-ngacmim. Por ky mendim nuk është gjithaq i argumentuar.
Allahu e di më së miri!
Muhamed Dërmaku |
