Përbërësit: - 1/2 kg mish të bluar, - 2 qepë të kaluara në rende, - 75 gr (2 feta) bukë bajate, (bukë merret 25% nga pesha e mishit). - 2 vezë, - 1/2 tubë majdanoz të grirë hollë, - kripë, piper, - miell sa të nevojitet, - vaj për fërgim, - perime sipas dëshirës.
Përgatitja: Në masën e mishit të bluar, hidhen qepa, veza, buka e ulur në qumësht ose ujë dhe e troshitur, pak miell, kripa, piperi dhe majdanozi. Masa përzihet mirë, i presim qoftet, i mbështjellim pastaj një e nga një me miell dhe u japim formën e madhësisë së dëshiruar në formë të rrumbullakët ose vezake. Qoftet skuqen në vaj të nxehtë nga të dyja anët. Duhet pasur parasysh se qofteve gjatë fërgimit nuk u duhet hedhur shumë yndyrë.
Shërbehen të nxehta me pure patatesh, patate të skuqura, pilaf, ose perime të tjera të ziera ose të skuqura. |