|
Porosi nga i Dėrguari i Allahut, alejhi selam, pėr ty motėr. |
|
|
|
|
Shkruar nga --
|
|
e shtunė. 27 janar 2007 |
|
1 . E drejta e femrës në zgjedhjen e bashkëshortit
Transmetohet nga Ebu Hurejra, radijallahu anhu, se i Dërguari i Allahut, alejhi ve selam, ka thënë: “Nuk martohet e shkurorëzuara derisa të pyetet dhe nuk martohet beqarja derisa ajo të jep leje.“ I thanë: “O i Dërguari i Allahut, si jep leje ajo. Tha: “Kur ajo hesht”. Transmeton Buhariu. Në këtë hadith shihet e drejta e femrës në zgjedhjen e bashkëshortit të saj me përgjigje apo refuzim.
Po, motër muslimane, esencë e zgjedhjes së shokut të jetës tënde dhe kalorësit të ëndrrave tua duhet të jetë feja dhe morali i mirë i tij në radhë të parë, pastaj, cilësitë plotësuese si: pasuria, bukuria, pozita e tij në shoqëri, etj.
Kurse, pajtimi yt dhe zgjedhja jote e personit jofetar dhe me moral jo të mirë duke e dashur atë për dunja dhe për bukurinë e tij do të jetë hidhërimi yt, ngase ai nuk i din të drejtat e tua dhe nuk do të sillet mirë me ty. Për këtë merre këtë këshillë nga Hasen ibën Aliu, radijallahu anhu, i cili kur është pyetur nga një njeri i cili i kishte thënë: e kam një vajzë, me kë mendon ta martoj? ai i ishte përgjigjur: martoje me atë që i ka frikë Allahut, ngase, nëse ai e don e nderon atë, e nëse nuk e don nuk i bën padrejtësi.
2. Ndarja e përgjegjësisë dhe amanetit
Transmeton Buhariu dhe Muslimi se i Dërguari i Allahut ka thënë: “Secili prej jush është bari dhe secili prej jush është përgjegjës për kopenë e tij; prijësi është përgjegjës, burri është përgjegjës për familjen e tij dhe gruaja është kujdestare e shtëpisë së burrit të saj dhe fëmijëve të tij; secili prej jush është bari dhe secili do të pyetet për kopenë e tij.
Motra ime:
Bashkëshorti yt dhe fëmijët e tu janë përgjegjësia jote, andaj, bëhu bashkëshorte e mirë që të futësh në zemrën e bashkëshortit gëzim, ta dëgjosh atë aty ku nuk është e ndaluar nga Allahu, ngase nuk ka nështrim ndaj krijesës duke i bërë mëkat Krijuesit, dhe kujtoje thënien e të Dërguarit, alejhi selam, i cili e sqaron këtë porosi duke thëtë: “Tri gjëra janë prej lumturisë së birit të Ademit, dhe tri prej hidhërimit të tij. Prej lumturisë së tij janë: gruaja e mirë, vendbanimi i mirë dhe mjeti i mirë i udhëtimit, kurse prej hidhërimit të tij janë: gruaja jo e mirë, vendbanimi jo i mirë dhe mjeti i udhëtimit jo i mirë.“ (Transmeton Imam Ahmedi me sened të vërtetë).
Motër muslimane, në dorën tënde është zgjedhja e jetës së lumtur apo të pikëlluar: bëhu grua e sinqertë që ta bësh të lumtur bashkëshortin, dhe mundohu të jesh gjithmonë nënë udhëzuese për fëmijët, dhe e drejtë në mes tyre duke e kënaqur Allahun dhe të Dërguarin e Tij, duke kujtuar thënien e Allahut të Madhëruar: “O ju që besuat, ruane veten dhe familjen tuaj prej një zjarri, lënda djegëse e të cilit janë njerëzit dhe gurët .” (Tahrim: 6)
Përktheu: Bedri Robaj |
