|
A duhet tė falen namazet e lėna gjatė vitit nė natėn e Kadrit? |
|
|
|
|
Shkruar nga --
|
|
e martė. 15 shtator 2009 |
Pyetje:
Selam alejkum!
Desha të pyes për natën e madhe të Kadrit. Namazet që na kanë mbetur pa falur gjatë tërë vitit kam dëgjuar se duhet t’i falim në natën e Kadrit, a është e vërtetë kjo? Dhe nëse po, si duhet ta bëjmë nijet? Në Ramazanin e kaluar në natën e madhe të Kadrit çdo namaz të asaj dite e kam falur sa kam mundur, deri sa jam lodhur dhe nijet e kam bërë vetëm po e bëj nijet me fal këtë namaz.
Përgjigje:
Alejkum selam ve Rahmetullah!
Jo, nuk është e vërtetë se gjatë natës së Kadrit duhet falur namazet e një viti. Një gjë e tillë madje është e pamundur të arrihet në kohë.
As në vitin e kaluar nuk keni vepruar mirë. Çdo namaz duhet falur në kohën e vet e jo të tubohen namazet e tërë ditës e të falen gjatë natës, qoftë ajo edhe nata e Kadrit.
Islami nuk mbahet vetëm natën e madhe të Kadrit, por kërkohet gjatë tërë vitit që të jeni respektuese e fesë dhe obligimeve të Allahut. Nata e Kadrit atëherë do të ju mundësonte të arrinit shpërblime më të mëdha, por në të kundërtën është e papranuar që vetëm gjatë asaj nate të faleni dhe ta keni vendin aty ku mund ta kenë ata që falen gjatë gjithë kohës.
Filloni me të praktikuarit e faljes së pesë kohëve motër dhe mos u vono se bëhet vonë, dhe ndoshta nuk mbetet kohë për t’u penduar!
Allahu e di më së miri!
Muhamed Dërmaku |
