A ėshtė e lejuar qė femra tė merr abdes gjatė ciklit menstrual...? |
|
|
|
Shkruar nga --
|
e diel. 05 korrik 2009 |
Pyetje:
Selamun alejkum! Jam një motër mulimane që bëj namaz dhe desha t’ua bëj një pyetje rreth abdesit gjatë ciklit mujor të femrës. A është e lejuar që femra të merr abdes edhe pse është me të përmuajshmet dhe nëse po a është mbrojtje për të ai abdes? Allahu ju shpërbleftë për mundin që e bëni për ta mirëmbajtur këtë ueb-faqe që njerëzit dhe sidomos motrat tona muslimane të lexojnë dhe të marrin mësim nga artikujt që i shkruani!
Përgjigje:
Alejkum Selam ve Rahmetullah!
Nuk mund të themi se është gjë e ndaluar që femra të merr abdes gjatë ciklit menstrual, por po ashtu nuk mund të themi se ai abdes i llogaritet. Vet marrja abdes është ibadet dhe kërkohet për të kryer ndonjë ibadet. Derisa femra është me të përmuajshmet e saj, ajo nuk mund të lexojë Kur'an nga Mus'hafi e as të falë namaz. Pasi nga ajo kanë rënë obligimet madhore si namazi nga obligimi i faljes për shkak të gjendjes së saj, atëherë abdesi dhe gjërat e tjera të ngjashme nuk i ndihmojnë gjë për të dalë nga ajo gjendje. Nga ajo gjendje dilet vetëm atëherë kur përfundon tërësisht cikli mujor dhe pastrohet femra duke marrë gusël.
Gjendja e saj nuk mund të krahasohet me gjendjen e asaj apo atij që është xhunub dhe i lejohet të merr abdes deri sa të bëhet koha e namazit, pasi ai e ka mundësinë të pastrohet në çdo kohë, kurse femra me cikël menstrual nuk e ka mundësinë të pastrohet pa i kaluar ditët e saj, sepse pastërtia e saj nuk është vetëm gusli, siç është tek xhunubi, por ndalja e rrjedhjes së gjakut, pastaj gusli.
Allahu e di më së miri!
Muhamed Dërmaku |