MЁNYRA E ABDESIT

 
Pėrdorimi i drejtė i misvakut PDF Printoni E-mail
Shkruar nga --   
e hėnė. 15 qershor 2009

- Në çdo kohë dhe çdokund në përdorim.   




Për të mirat e misvakut kemi artikuj të ndryshëm kurse për mënyrën e përdorimit të drejtë të tij ka shumë pak të dhëna në gjuhën tonë. Këtu do të mundohemi të japim një sqarim më të qartë mbi përdorimin e drejtë të misvakut, inshaAll-llah. Kurse nëse ndokush gjen gabime dhe përmirësime, janë të gjithë të mirëseardhur me udhëzimet e tyre, duke lutur All-llahun azze ve xhel që t'ju shpërblen me të mirat e Tij të pafund për mundin tuaj.

Nga përdorimi i drejtë i misvakut është edhe arritja e higjienës së gojës me anë të tij.
Këtu keni disa informacione për përdorimin e misvakut.

Koha kur mund të përdoret misvaku:
 
- Pas ngrënies:

Me përdorimin e misvakut ju i lani dhëmbët tuaj pas secilit ushqim, por pa lënë ndjenjën e djegies të pastës së dhëmbëve pas larjes së dhëmbëve me anë të brushës dhe pastës.

 - Zvogëloni nervozitetin:
Përtypeni misvakun dhe në atë mënyrë do të largoni nervozitetin tuaj – njëherit arrini edhe të mira  për arritjen e higjienës së gojës!
Përtypeni më mirë misvakun se lapsin!

- Misvaku zen vend në secilin xhep të palltos, të këmishës, të pantallonave, në çantë dhe është një përcjellës i shkëlqyer për dhëmbë të shëndetshëm.

- Pastrimi i dhëmbëve gjatë vozitjes së veturës

- Pastrimi i dhëmbëve në vend të punës

- Çdoherë me vete – në çdo kënd të shtëpisë, në restorant, në vendin e punës, në kohën e lirë, gjatë udhëtimeve etj.


Çka duhet marrë parasysh:

Ju lutemi të keni kujdes që gjatë përdorimit të misvakut mos të shtypni shumë në mishin e dhëmbëve. Sikur edhe me brushat normale edhe me misvak mundet që me anë të shtypjes së madhe të vjen deri te ndonjë lëndim në mishin e dhëmbëve. Për pastrim normal mjafton një shtypje e butë e misvakut në dhëmbë. Kurse vetëm për një masazh të mishit të dhëmbëve mjafton një fërkim i lehtë mbi mishin e dhëmbëve.

Për fëmijët misvaku është brusha ideale për të mësuar pastrimin e dhëmbëve, për në shkollë dhe për në aktivitete tjera. Në këtë mënyrë bëhet pastrimi optimal edhe i dhëmbëve të qumështit. Fëmija përtyp në fijet natyrale dhe të shëndetshme të misvakut, të cilat i pastrojnë dhe mineralizojnë dhëmbët.
 ________________________________________

Përdorimi:  

1. Përgatitja:
 
- Para përdorimit të parë shpërlajeni misvakun me ujë që të zbutet pak. (Misvaku është më së miri të përdoret pasi të jetë futur në ujë trëndafili)

- Qëroni lëvoren e misvakut përafërsisht 1-2 cm. në majë.

- Nëse misvaku është tepër i thatë atëherë zbuteni majen e misvakut në ujë për një kohë të shkurtër. (Misvaku është më së miri të përdoret pasi të jetë futur në ujë trëndafili)

- Përtypeni pak derisa të jetë formuar një lloj brushe në maje (sikur që shihet lart)



2. Pastrimi:

-        
Pastroni gjithmonë prej mishit të dhëmbëve – lart.
-        
Pastroni edhe pjesët tjera dhe brendinë e dhëmbëve.
-        
Fijet që thehen gjatë pastrimit nxjerrni jashtë.



3. Ruajtja:

-        
Ruani misvakun në një vend të pastër dhe të thatë.
-        
Edhe pas tharjes misvaku juaj është i butë.



4. Rivendosja:

-        
Nëse fijet e misvakut janë bërë shumë të buta dhe të çara, ju mundeni thjesht ta preni atë pjesë dhe të filloni prapë nga pika 1 si është përshkruar më lart.


-        
Pas 2-3 ditësh të përdorimit është e preferuar që të preni pjesën e përdorur dhe të përdorni pjesën tjetër. 
-        
Një dru i misvakut prej përafërsisht 15 cm. përdoret gati 4 javë, varësisht si dhe sa herë e përdorni në ditë.



Informacione të vlefshme:
 
-        
Misvaku është një produkt tradicional për higjienën e dhëmbëve dhe të gojës për të cilin na ka udhëzuar shumë i Dërguari i All-llahut salallahu alejhi ve selem.



Në dy sahihat është shënuar se i Dërguari i All-llahut salallahu alejhi ve selem ka thënë:”Sikur mos të mendoja se kjo do të ishte tepër e rëndë për pasuesit e mi, do të jepja urdhër që t’i pastronin dhëmbët me misvak para çdo namazi”. ( Buhariu 2/312; Muslimi 252).

I Dërguari i All-llahut salallahu alejhi ve selem ka thënë: “Pastrimi i dhëmbëve me misvak është praktikë e mirë higjienike e cila pastron gojën dhe e kënaq Zotin”. ( Buhariu 4/137 )

I Dërguari i All-llahut salallahu alejhi ve selem e kishte zakon t’i lante dhëmbët me misvak edhe kur qëndronte i shtrirë në shtratin e tij të vdekjes. ( Buhariu 8/ 106 )

Me mijëra vite misvaku është përdorur nga njerëzit, duke arritur veti shumë pozitive nga të mirat e kësaj brushe natyrale, e cila nxirret nga rrënjët e drurit të misvakut që njihet edhe me emrin (Arakbaum, Salvadora Persica).

Jo vetëm pastrimi mekanik, por edhe efekti dezinfektues dhe desodorues e bën misvakun një përcjelllës të përditshëm për dhëmbë të shëndoshë.

Të mirat e përdorimit:
-         Era e mirë e gojës
-         Në çdo kohë dhe çdokund në përdorim
-         Bëhet mineralizimi i dhëmbëve
-         Masazhë e mishit të dhëmbëve
-         Nuk ju nevojitet pastë e dhëmbëve pasi ajo i ka të gjitha vetitë e një paste
-         Arrihet higjiena natyrale kohë pas kohe
-         Parandalon formimin e pllakës dentare dhe gurëve, të cilët janë faktorët kryesorë në krijimin e problemeve të mishit të dhëmbëve dhe kariesit (prishja e dhëmbëve)

Ibn Abbasi radijallahu anhu ka thënë se pastrimi i dëmbëve me misvak sjell dhjetë dobi:
1.     Freskon gojën
2.     Pastron trurin
3.     Krijon ndjenjën e të qenit i shëndoshë
4.     E tret sekrecionin
5.     Eliminon murtajën
6.     E përgatit lukthin për ushqimin tjetër
7.     Përmban në vete sunetin
8.     Zoti i  Lartëmadhëruar këtë e dëshiron
9.     Rrit virtytin e individit
10.  I gëzon meleqtë. 

- Komentues të tjerë pohojnë se pastrimi i dhëmbëve me misvak:

-         E mpreh kujtesën
-         Adapton shqisat
-         Forcon mishin e dhëmbëve
-         Pastron të parit, pengon prishjen e dhëmbëve
-         Ndihmon tretjen
-         Pastron fytin, i sjell dobi zërit të ngjizur ose të shterur
-         E bën të folurit më shprehës
-         Kthjellon njeriun e përgjumur
-         Rrit aftësinë e të lexuarit
-         Ndihmon individin për të falë namaz dhe të mësojë Kur’anin
-         Allahu dhe melaiket këtë e dëshirojnë
-         E bën njeriun më të virtytshëm.


Lus Allahun azze ve xhel, të Gjithdijshmin të m'i falë gabimet gjatë shkrimit dhe përkthimit.  

Përktheu dhe përshtati nga gjuha gjermane: Suzana Hasani

Libri i përdorur për të dhënat e Pajgamberit salallahu alejhi ve selam: "Mjekësia e të Dërguarit Muhamed" nga Ibn - Kajjim el - Xhevzi dhe përkthyer nga Prim. Dr. Med. Sci. Ali F. Iljazi 
 

 

 

 

 
Copyright © 2006-2012 Pėr Ty Motėr. Fuqizuar nga VIVA4 Solutions.