|
Gjithėshikuesi - (El Besir) |
|
|
|
|
Shkruar nga Husein Eserraxh
|
|
e martė. 21 prill 2009 |
“Ai di për shikimin me cep të syve, e edhe për atë që e fshehin në zemra.”
Me emrin e Allahut, të Gjithëmëshirshmit, Mëshirëplotit Falënderimet dhe lavdërimet qofshin vetëm për Allahun e Lartësuar, i Cili ka krijuar qiejt dhe tokën dhe çfarë ka në mes tyre. Vetëm Atij i përulemi dhe vetëm prej Tij kërkojmë ndihmë e shpëtim. Paqja dhe shpëtimi qofshin mbi të dërguarin Muhamed dhe mbi familjen e tij të pastër, si dhe mbi të gjithë ata që ndjekin rrugën e tij deri në Ditën e Gjykimit.Allahu i Lartësuar thotë: “Vërtet, Allahu dëgjoi fjalët e asaj e cila bisedoi me ty lidhur më burrin e vet, që u ankua tek Allahu; prandaj Allahu e dëgjon bisedën tuaj, Allahu dëgjon çdo bisedë dhe sheh çdo punë.” Muxhadele, 1.
EL BESIR - GJITHËSHIKUESI, shikimi i të cilit përfshin çdo gjë në tokë e në qiej, madje edhe gjënë më të fshehur në to. Sheh madje zvarritjen e milingonës së zezë në gur të fortë (të ngurtë) në natë të errët. I sheh të gjitha pjesët e saj të dukshme e të padukshme. Sheh lëvizjen (ecjen) e ushqimit në pjesët e saj të holla. Sheh lëvizjen e ujit në degët e drunjve dhe të gjitha pemëve me të gjitha llojet e tyre të vogla e të holla. Sheh damarët e milingonës, bletës dhe mushkonjës, madje edhe më të vogla se këto. I Lartësuar qoftë Ai që flitet për madhështinë e Tij, madhështinë e cilësive të Tij, për përsosmërinë e Tij, butësinë, për Diturinë e Tij për gjëra të fshehura (gajbin) dhe të dukshme, për të pranishmet dhe jo të pranishme. Sheh lëvizjen e qerpikëve të syve, sheh lëvizjen e zemrave.
Allahu i Lartësuar thotë: “I cili të sheh kur të ngrihesh në këmbë. (E të sheh) Edhe lëvizjen tënde në mesin e atyre që falen.” Shuara, 218-219.
Gjithashtu thotë: “Ai di për shikimin me cep të syve, e edhe për atë që e fshehin në zemra.”Gafir, 19. |
