webfaqe per femra

Koha është element shumë i rëndësishëm me të cilin besimtari/besimtarja e fiton dynjanë dhe ahiretin. Koha është kapitali kryesor i njeriut. Allahu nga drejtësia dhe rahmeti i tij i ka bërë të gjithë të barabartë në këtë kapital. Allahu, jo në pak vende në Kur’an, e përmend kohën dhe betohet në të, nganjëherë në mënyrë të drejtpërdrejtë sic eshte ne suren “Aser” e në disa raste në pjesë të kohës si p. sh. “Pasha natën që me errësirë mbulon gjithësinë, pasha ditën kur ajo shkrepëtinë!” “Pasha agimin! për të treguar se të gjitha pjesët e kësaj kohe janë mundësi e fitimit, o robër të Allahut. Madje e ka bërë kohën shkak që përmes saj të fitojmë dhe në anën tjetër e ka bërë edhe një nga pyetjet themelore që do të pyetemi për të në Ditën e Gjykimit para Allahut. Tirmidhiu ka transmetuar se pejgamberi, paqja dhe mëshira e Allahut qofshin mbi të, ka thënë:
“Nuk ka mundësi të lëviz këmba e robit në Ditën e Gjykimit derisa të pyetet për katër gjëra: për jetën se ku e ka kaluar, rininë se si e ka kaluar, pasurinë e tij si e ka fituar dhe si e ka harxhuar dhe me diturinë si ka punuar.”

Allahu është betuar në kohën në suren duke thene “Asr” duke thene “
Pasha kohën! Nuk ka ka dyshim,se njeriu është në humbje të sigurtë.
Me përjashtim të atyreqë besuan, që bënë vepra të mira, që
porositën njëri-tjetrin t’i përmbahen të vërtetës dhe që këshilluan
njëri-tjetrin të jenë të durueshëm.” (Asr, 1-3)
Me të vërtetë njerëzit janë në humbje, ngaqë nuk e kanë kuptuar këtë betim madhështor të Allahut. Ata që e kanë kuptuar janë pakicë andaj e kanë shijuar ashtu sikur duhet.

Thote Allahu ne Kuran: “A menduat se Ne ju krijuam kot dhe se nuk do
të ktheheni ju te Ne ? I lartë është Allahu , Sunduesi i vërtetë, nuk ka
Zot tjetër pos Tij , Zot i Arshit bujar. “ (Muminun, 115-116).
Ti që je krijuar vetëm për adhurim , o Ti që je krijuar për ruajtjen e kohës me Allahun, ti që je krijuar për një amanet të madh, a e ke llogaritur ndonjëherë veten dhe kohën tënde, ditët e tua, netët e tua ?

Nëse i kthehemi jetës së selefit do të vërejmë një angazhim që për neve është imagjinues për atë se si e kanë kuptuar selefët elementin e kohës, si kanë insistuar që të fitojnë sa më tepër nga kjo begati.

Abdullah ibn Mesudi (Allahu qoftë i kënaqur me të!) ka thënë: “Unë e urrej
njeriun e lirë kur e shoh që nuk punon as punë të dunjasë, as punë të ahiretit.”

Amir Bin Kajsi,derisa ishte duke ecur, një njeri e ndalë dhe i thotë:
“Dëshiroj të flas me ty.” Amiri i thotë: “Ndale diellin!” Pra, Amiri ka
pasur për qëllim ndaljen e kohës,sepse nëse do të ndalej koha do të
ndalej edhe vetë, sepse nuk ka dëshiruar të shpenzojë kohë pa nevojë.
Shikoni pra se çfarë rëndësie i ka dhënë kohës.

Hasan El Basriu ka thene:"Po të ishte e mundur që koha të ishte
mall tregtie dhe të mund te blihej,tërë pasurinë do ta kisha shpenzuar
për të blerë kohë të lirë."

Allahu i Madhërishëm na ka begatuar me begati të shumta, si: shëndeti, pasuria, etj. Të gjitha këto begati Allahu ka mundësi me na i marrë dhe të na i rikthejë prapë. Mirëpo koha ka një veçori të veçantë se ajo që shkon nuk mund të kthehet më kurrë përveçse në Ditën e Gjykimit kur kthehet në cilësinë e dëshmitarit qoftë për ty ose kundër teje. Pra, nuk ka mundësi të kthehet më në cilësinë e shfrytëzuesit.

Neve na mbetet qe që ta shfrytëzojmë dhe garojme me kohën në atë që është i kënaqur Allahu e mos ta humbim atë kotë e të na bëhet argument kundër nesh në Ditën e Gjykimit.
”Shpejtoni në atë që fitoni falje prej Zotit tuaj dhe Xhenetin që gjerësia
e tij është si gjerësia e qiellit dhe tokës, i përgatitur për ata që i besuan
Allahut dhe të dërguarve të Tij. Ajo është dhunti e Allahut që ia jep kujt
të dojë, e Allahu është dhurues i madh.” (El-Hadidë, 21)