Shkruar nga --
|
e enjte. 25 shtator 2008 |
Pyetje: Po kam probleme me urinim te shpeshtë nga pak po qe e prishin abdesin për namaz tjetër, qe edhe pse kam përdor qajra nuk kam arritur te shërohem, kur vjen koha e jacisë po duhet me marr abdes dy herë njëherë për namazin e jacisë e pastaj per namaz te vitrit, a kish pa me njëherë abdes te dy namazet edhe pse po kam pika urinimi edhe pas abdesit ose ne fillim te namazit. Si te veproj. Kthema përgjigjen ju shpërbleftë Allahu per mirëkuptim. Përgjigje: Nëse jeni me problem të vazhdueshëm të urinimit dhe nuk mund ta mbani abdesin, obligoheni të merrni abdes një herë për çdo namaz dhe gjatë kohës së atij namazi vlen ai abdes edhe për namaze të tjera nafile si dhe lexim të Kur’anit etj. Në momentin kur hyn koha e namazit tjetër pasues, abdesi prishet dhe duhet të përsëritet edhe nëse nuk ka ndodh lirimi i gazrave, apo të ngjashme. Në rastin që ju keni përmendur, me abdesin që merrni për namazin e jacisë mund ta falni ede itrin pa problem. Allahu e di më së miri!
Muhamed Dërmaku |