|
Shkruar nga Behauddin Gashi
|
|
e enjte. 12 tetor 2006 |
Muaji i Ramazanit, muaj i bekuar,
kur i kanë ardhur të gjitha shpalljet botës.
Në të ka zbritur Kurani i Madhëruar,
nga i madhi Zot, në qiejt e tokës….
Në Ramazan filloi profetësinë ai diell,
në këtë muaj ndodhet dhe nata e Kadrit.
Në këtë muaj u ngrit Isai në qiell,
në këtë muaj jepet sadakaja e Fitrit!
Lufta e Bedrit në të u fitua,
në të është itikafi, i larti adhurim…
Mekka e nderuar në të u çlirua,
shumë lutje, në të, jo, nuk kanë më kthim!
Agjërimi, një adhurim i lartë shpirtëror,
që kontrollon epshin dhe trupin kalit.
Na bën më të mirë, na bën më njerëzorë,
tek njohim si vuan varfanjaku përditë.
Nga zjarri i tmerrshëm agjërimi më mbron,
më mbron nga ligësitë e njerëzve pa fe.
Ramazanin nderoj, Zoti më vështron,
ai ma sjell diellin që çel në Atdhe!
Ai që ëmbël ndihmon një agjërues,
Sa dhe ai është i nderuar dhe shpërblyer…
Njeriut mos ia kthe krahët kurrë,
Zoti për ne i ka hapur gjithë dyert!
Marrë nga libri: ”Agjërimi” i autorit, Behauddin Gashi |
