Shkruar nga Edona
|
e premte. 06 tetor 2006 |
- Përmbajtja:
10 vezë - 250 gr. hurma
- 250 gr. arra
- 4 lugë miell
- 1 lugë kakao
- 10 lugë sheqer
Përmbajtja e fillit: - 2 lugë miell
- 300 ml. qumësht
- 200 gr. margarinë
- 50 gr. çokollatë
- 16 lugë sheqer
- 1 shllag
Përgatitja:
Brumi: I ndan të bardhat e vezëve nga ato të verdhat. I grimcon hurmat dhe arrat. I përzien me mikser të bardhat e vezëve dhe ia qet 10 lugë sheqer, e mbasi të tretet sheqeri ia shton 4 lugë miell, arrat, hurmat dhe kakaon. I përzien me lugë. Në tepsi të gjerë katrore, në të cilën është e preferuar të shtrohet letër për pjekje, e qet brumin dhe e pjek në 200 gradë për 15-20 minuta.
Filli: Me mikser i përzien të verdhat e vezëve me 2 lugë miell. Qumështin e qet në tenxhere që të vlohet me 16 lugë sheqer. E përzien deri sa të trashet dhe ndërkohë ia shton të verdhat e vezëve. E largon tenxheren, e copton çokollatën dhe e përzien deri sa të shkrihet. Pastaj, ia shton margarinën dhe e përzien deri sa të shkrihet krejt.
Dekorimi:Brumin e ndan në tri pjesë, e lyen me fill dhe kur të ftohet e dekoron me shllag. |