MЁNYRA E ABDESIT |
|
|
|
Kujdesi i tė parėve tanė nė shfrytėzimin e kohės nė kėnaqėsinė e Allahut te Madhėrishėm (I) |
|
|
|
Shkruar nga Dibrani
|
e enjte. 03 korrik 2008 |
Prej shenjave të dashurisë së Zotit ndaj robit të Tij është angazhimi dhe shfrytëzimi i kohës në rrugën e Tij në maksimum.
Omer Ibën Hattabi, Allahu qoftë i kënaqur me të, ka thënë: " E kur të flejë unë?! Nëse flejë natën e humbi obligimin që e kam te Zoti i Madhëruar, e nëse flejë ditën e humbi obligimin që e kam ndaj popullit".
Sead Bin Muadhi, i cili ka pasur jetë të bekuar dhe angazhim shumë të mirë, Islamin e ka pranuar në moshën tridhjetë vjeçare, ndërsa ka ndërruar jetë në moshën tridhjetë e shtatë vjeçare. Pra, koha e tij në Islam nuk ka qenë më shumë se shtatë vite, mirëpo në momentin e vdekjes së tij e kanë vlerësuar lartë banorët e qiejve dhe të tokës, sepse prej momentit të pranimit të Islamit e ka kuptuar vlerën e kohës dhe e ka shfrytëzuar atë në kryerjen e detyrave ndaj Allahut të Madhëruar. Transmetohet prej Xhabirit, Allahu qoftë i kënaqur prej tij, se Muhamedi, lavdërimi dhe paqja e Allahut qofshin mbi të, ka thënë: "Është tronditur Arshi i të Gjithëmëshirshmit nga vdekja e Sead Bin Muadhit." (Buhariu dhe Muslimi)
Ibni Umeri, Allahu qoftë i kënaqur prej tij, ka transmetuar se Muhamedi, lavdërimi dhe paqja e Allahut qofshin mbi të, ka thënë: "Ky është njeriu, për vdekjen e të cilit ka lëvizur edhe Arshi dhe atij i janë hapur dyert e qiejve e të tokës dhe kanë prezantuar në vdekjen e tij shtatëdhjetë mijë melekë ". (Nesaiu, Sahihul Xhami’ i Albanit, hadithi 6987)
Motër e nderuar! Mund të pyet ndokush: Çka ka punuar Seadi gjatë atyre shtatë viteve për ta arritur atë vlerë dhe atë gradë? Përgjigjja është: "Ai prej momentit të pranimit të Islamit e ka kuptuar vlerën e kohës, është angazhuar që gjatë tërë kohës të jetë në detyrë dhe në përkushtim ndaj Allahut dhe për këtë arsye e ka nderuar më Fisniku-Allahu i Lartmadhëruar. E kush mund ta nderojë dikë më shumë se Allahu?!
Usame Bin Zejdi, edhe pse ka qenë shumë i ri, qysh në moshën 16 vjeçare e ka udhëhequr ushtrinë muslimane. Abdullah Bin Umeri, Allahu qofte i kënaqur prej tij, ka transmetuar se kur Muhamedi, lavdërimi dhe paqja e Allahut qofshin mbi të, e ka dërguar një ekspeditë dhe e ka caktuar udhëheqës Usame Bin Zejdin, një pjesë e ushtrisë e kanë kritikuar këtë vendim. Muhamedi, lavdërimi dhe paqja e Allahut qofshin mbi të, është ngritur në këmbë dhe e ka mbajtur një fjalim, në të cilin ka thënë: "Pasi që e kritikoni një vendim të tillë (për emërimin e tij si prijës) ta dini se edhe emërimin e prindit të tij si prijës e kanë kritikuar, por për Zotin, ai dhe ky janë krijuar për udhëheqës dhe nesër do të jetë prej më të dashurve te unë." (Buhariu dhe Muslimi)
Hasan El- Basriu, Zoti e mëshiroftë, ka thënë: "Në çdo lindje të diellit dita thërret me një zë: O bir i Ademit, unë jam ditë e re, dëshmoj për punën tënde, andaj më shfrytëzo, sepse unë më nuk do të kthehem deri në Ditën e Kijametit." Po ashtu, Hasan El-Basriu, Allahu e mëshiroftë, ka thënë: "O bir i Ademit, ti përbëhesh prej frymëmarrjeve dhe ditëve, nëse të ka kaluar dita, të ka shkuar një pjesë e jetës tënde, e kur të shkon një pjesë e jetës tënde, mund të shkojë në shpejtësi e tërë jeta jote."
Ibn Kajim El-Xhevzije, Zoti e mëshiroftë, ka thënë: "Për çdo frymëmarrje dhe për çdo pikë të djersës të cilën e shpenzon jo në rrugë të Allahut ke për t’u penduar në Ditën e Kijametit."
Motër e nderuar! Nëse dëshiron të dish se a është Zoti i kënaqur me ty apo jo, shiko se si je duke e kaluar kohën. Prej shenjave të dashurisë së Zotit ndaj robit të Tij është angazhimi dhe shfrytëzimi i kohës në rrugën e Tij në maksimum. Ndërsa ai i cili nuk vepron asgjë e thotë: "Nuk kam çka të punoj", kjo është për të humbje e madhe. Fillimi i çdo mëkati është koha pa punë, prandaj këtë duhet ta keni parasysh dhe ta vulosni thellë në zemrën tuaj.
(Vazhdon)
|
|
|
|
|