|
Shkruar nga Gjulije Vehapi
|
|
e diel. 23 mars 2008 |
 Era që fryen gjërat i merr përpara, e nuk i len pas! Gjithashtu, edhe uji që rrjedh shkon përpara e nuk ecën pas; çdo gjë lëviz në këtë rruzull tokësor - qoftë insekt, kafshë, njeri, apo makinë - të gjithë ecin para e nuk shkojnë pas.- Ndaj, as ti mos shko kundër rregullit të jetës.
- Kur të zgjohesh në mëngjes, mos e prit mbrëmjen, se ndoshta kjo ditë e jotja është e fundit dhe s'të pret koha të mendosh për të djeshmen që kaloi, e as për të nesërmen që akoma s'ka ardhur.
Jeta jote është një ditë e vetme; në mëngjes ngjallesh e në mbrëmje vdes dhe nuk kthehesh më.
Pra, mos e humb këtë ditë që peshon sa jeta, bëhu i kujdesshëm brenda këtyre orëve të kufizuara dhe vepro me seriozitet, adhuroje Krijuesin dhe fale namazin me kujdes, lexo Kur'anin e shenjtë dhe me vëmendje të plotë shih ç'kërkohet prej teje. Krijo moral të lartë për veten tënde dhe pajtohu me atë që Allahu caktoi për ty, përpiqu të bësh mirë për të tjerët, vetëm sot je e gjallë, pra shfrytëzoje rastin e fundit!
- Nga orët e kësaj dite vepro mirë dhe nxjerr dobi për veten tënde sikur ato të ishin vite dhe nga minutat e orëve të saj kërkoji falje Allahut për mëkatet e tua sikur të ishin muaj; përgatitu për herën e fundit sikur do të udhëtosh në mbrëmje. Jeto dhe sot qëndro e buzëqeshur, e qetë dhe e butë, kënaqu me atë që erdhi nga Allahu i Madhëruar, kënaqu me familjen tënde, bashkëshortin tënd, me fëmijët e tu, me shtëpinë tënde se edhe sot i keni para syve, mos e hidhëro askënd në momentin e fundit, se nuk kthehesh e as nuk i sheh më në këtë botë.
- Kij besim në vetvete e le të jetë e qartë kjo ditë për ty.
Kur t'i drejtohesh ndërgjegjes sate e t’i flasësh dhembshëm, thuaj:
- VETËM PËR SOT DO T'I KORRIGJOJ FJALËT QË M’I NXJERR GOJA, E NUK DO TË SHQIPTOJ FJALË TË NDYTA, SHARJE, FYERJE, PËRGOJIME. VETËM SOT DO TË JEM E MATUR NË TË ECUR, NË LËVIZJE DHE NË FJALË SE NESËR S'DO TË JEM. PËR KËTË DITË JETOJ, SOT DO T’I BËJ VEND NË ZEMËR DOBISË, DO TË MBJELL NË TË DASHURINË, SINQERITETIN, DREJTËSINË NDAJ VETES DHE TË TJERËVE, NDËRSA DRURIT TË SË KEQES, ARROGANCËS, XHELOZISË E KOKËFORTËSISË DO T’IA KËPUS DEGËT DHE GJEMBAT DHE DO TA ÇRRËNJOS.
- VETËM PËR SOT DO TË JETOJ DHE DO T’U OFROJ TË MIRËN TË TJERËVE, DO TA VIZITOJ TË SËMURIN, DO TA USHQEJ TË URITURIN, DO TA NDIHMOJ TË DOBËTIN, DO TË QËNDROJ PRANË TË NGRATIT QË I ËSHTË BËRË PADREJTËSI, DO TA MËSHIROJ TË VOGLIN DHE DO TA RESPEKTOJ PLAKUN.PËR DITËN TËNDE O NJERI, REZERVO VEPRA NË FJALORIN E LUMTURISË…
|
