Pyetje:
A është haram me ba zina me grua para marteses.
Dhe a është haram me ba zina në ramazan.

Përgjigje:
Vëlla i nderuar!
Fjala zina asnjëherë nuk përmendet me kuptim pozitiv në zhargonin fetar islam. Zinaja përmendet vetëm si një mëkat i madh, i cili shkatërron individin dhe shoqërinë. Zinaja poshtëron vepërkryesin, ul dinjitetin e njeriut, rrëzon prijës nga pozita të larta, prish moralin e tij, shkatërron familjen, rrënon shoqërinë, kur merr përmasa të mëdha shkakton reagimet e Allahut si tërmete, sëmundje vdekjeprurëse, vërshime etj., prish personalitetin e atij njeriu dhe çon për në zjarr të xhehenemit, Allahu na ruajt prej tij!

Zina është imoraliteti me çiftin e kundërt pa kontratë të ligjshme martesore. Ajo është haram në çdo kohë, natën e ditën, për të riun e të vjetrin, mashkullin e femrën. Allahu na ruajt prej këtij mëkati të madh!


                                                                          Muhamed Dërmaku